Þá er komið að þessum mikla kosningadegi árið 2007, ekki nóg með það að í dag skulum við kjósa fólk sem að við viljum að stjórni í okkar umboði til næstu fjögurra ára, heldur eigum við líka að kjósa þá austantjalds þjóð sem við viljum að haldi Eurovision á næsta ári. 
Ég hef verið einn af þessum óákveðnu þangað til í gærkvöldi en 3 flokkar höfðu komið til greina hjá mér og það var ekki fyrr en í gærkvöldi að ég fékk það svar sem ég var að leita eftir, hvaða flokkur ætlar að láta námslán mæta raunverulegri framfærslu þörf og það er það sem skiptir mig mestu máli næstu fjögur árin. Ómar Ragnarsson sagði að við ættum að kjósa með hjártanu en ég ætla að kjósa með hausnum og þess vegna ætla ég enn og aftur að setja X við kindina???

Seinna.

P.s. Áfram rússneska lagið!!!

Þá er maður loksins búinn í prófum og búinn að fá úrslit úr þeim, er ekkert hoppandi, hvorki af reiði né gleði en náði samt öllu. Svo gerðist það aftur sem fæstir nema allra bjartsýnustu menn og auðvitað alvöru "Poolarar" þorðu að vona sem sagt Liverpool komst í úrslit Meistaradeildar Evrópu í annað skipti á þremur árum. Þar mæta þeir aftur AC Milan, einsog árið 2005. Þetta er í 6. skiptið sem Liverpool kemst í úrslit Meistaradeildar Evrópu og hefur unnið í öll skiptin og skemmtileg tilviljun er að í þessi 5 skipti hefur Liverpool alltaf verið í alrauðum aðlalbúningum sínum og spilað gegn liðum í hvítu, þar sem bæði þessi lið leika í rauðum búningum þarf að draga um það hvort liðið fær að vera í sínum rauðu búningum. Það var dregið í dag um það hvort liðið verður í aðalbúningum sínum og af því má ráða hvaða lið vinnur "Eyrnastóran" þetta árið.

Seinna.

Pæling, ætli maður geti orðið lesblindur á því að lesa ofmikið, spyr sá sem ekki veit?